“Kriset” raporti mes Romeos dhe Julit

Në shtëpinë e “Big Brother VIP” nuk kanë munguar debatet e forta, ashtu siç ishte ai mes Julit dhe Romeos, që dukej se deri më tani ata kanë pasur një miqësi.

Sa i përket “përplasjeve” mes tyre, Romeo sot e cilësoi Julin si frikacak, i cili nuk i shkon deri në fund debateve, për shkak se nuk ka argument.

Nga ana tjetër, Juli kritikoi mentalitetin e Romeos, që sipas tij, i ndan njerëzit vetëm në dy kategori, ushtarë dhe miq.

“Juli është një personalitet i madh. Por këtu ka dalë nga vetja. Juli nuk ka argumenta. Nuk është i vërtetë, është frikacak, kur e nis një debat e lë në mes. Juli të ofendon, i flet mendja para gojës. Është banal, nuk i qëndron mendimeve të veta deri në fund. Në momentin që bëhet me nerva nuk përmbahet. Është frikacak, i devijon mendimet e tij. Ne ja dimë të gjithë përgjigjen atyre mendimeve. Shokët e vet ai po i nxjerr jashtë.”– tha Romeo.

“Ti nuk ke shokë o vëlla. Ky njerëzit i konsideron ose shokë, ose ushtarë. Nuk janë njerëzit kështu o Romeo” – tha Juli.

“Juli sapo lëshoi Gazin. E ka lëshuar nga vilajeti i vet, deri sa t’i bëjë gropën. Do lëshojë Ledjonën. Edhe Rozën së shpejti.”– tha Romeo

“E dëgjuat brigadieri ne shtëpisë, që i ndan njerëzit ushtarë dhe në shokë. Kurse mentaliteti im është që i ndan në personalitete, personazhe të ndryshme, me të cilët do përballesh siç e meriton secili”– tha Juli.

“Ju flisni pa emra. Më thuaj emra, kë kam unë ushtar? Prandaj them je frikacak sepse t’i nuk thua emra”- tha Romeo.

“Një ushtar është një person i nderuar, i respektuar, Romeo e përdor në konotacion negativ, duhet ta çojnë tek vendi dhe t’i tregojnë çfarë bëjnë ushtarët. Romeo duhet të kultivohet, të lexojë ca libra. Zotëria ëhstë i revoltuar sepse do territor në shtëpi. I meriton të gjitha argumentat që jap unë. E konsideroj si njeri në shtëpi. I jap argumenta për lojën që po bën në shtëpi, për debatet dhe çfarë ka bërë? Thotë Gazi etj etj.”– tha Juli.