Vdes nga kanceri në moshën 57-vjeçare babai i Adele, nuk arriti të marrë faljen e këngëtares

Ndërron jetë në moshën 57-vjeçare Mark Evans, babai i Adele. Mësohet se ai vdiq pas një beteje me kancerin. Ndërkohë, siç është bërë e dije edhe më parë, Adele nuk flet me babanë e saj, që pasi ky i fundit la nënën e saj dhe vetë këngëtaren, kur ishte vetëm 3-vjeçe.

Kujtojmë si 4 vite më parë, kur fitoi Grammy falënderoi menaxherin e saj për të qenë një figurë babai. “Faleminderit menaxherit tim. Unë i detyrohem për gjithçka. Ne kemi qenë bashkë për 10 vjet, dhe unë të dua sikur të ishe babai im. Të dua shumë, shumë. Unë nuk e dua babanë tim, ky është problemi. Të dua ashtu si do të doja babanë tim”, është shprehur ajo.

Ndërkohë që babai i saj gjithmonë ka shpresuar që do përmirësojë marrëdhënien me Adelen.