Juli Nura në pritje të binjakëve/ Ish-banorja e BBVK, shfaq barkun e rrumbullakosur (FOTO)

Një nga periudhat më të bukura të jetës së Juliana Nurës sapo ka nisur. Ish-banorja e edicionit të parë të “Big Brother VIP Kosova” po përgatitet të përjetojë emocionin e mëmësisë, teksa shumë shpejt do të bëhet nënë për herë të parë.

Edhe pse ka zgjedhur ta jetojë këtë kapitull larg zhurmës mediatike dhe ekspozimit të tepërt publik, shtatzënia e saj tashmë nuk mund të fshihet. Gjatë fundjavës, Juli është shfaqur në “Alba Festival” në Zvicër, ku ka tërhequr menjëherë vëmendjen e të pranishmëve dhe të ndjekësve në rrjetet sociale.

E veshur me të zeza dhe me një pamje rrezatuese, ish-finalistja e BBVK është fotografuar me barkun e rrumbullakosur, duke konfirmuar edhe vizualisht pritjen e ëmbël që po përjeton.

Fotografia, e publikuar  është shpërndarë me shpejtësi në rrjet, ndërsa fansat kanë reaguar me urime dhe komente të shumta për këtë etapë të re në jetën e saj.

Pak ditë më parë u bë publik edhe një detaj që e ka bërë këtë lajm edhe më emocionues. Juliana Nura nuk është në pritje të një fëmije, por të binjakëve, një djali dhe një vajze. Një bekim i dyfishtë që, sipas miqve të saj, realizon një nga dëshirat më të mëdha që ajo ka shprehur ndër vite për familjen që ëndërronte të krijonte.

Tashmë, ndërsa numëron javët e fundit të pritjes, Juli duket më e lumtur se kurrë. Nga skena e spektaklit dhe reality show-ve, në rolin më të rëndësishëm të jetës së saj, atë të nënës, ish-banorja e BBVK po përgatitet të nisë një kapitull krejtësisht të ri, i cili premton të jetë po aq emocionues sa rrugëtimi që e bëri të njohur për publikun.