“Je arsyeja e fitores time”, Ilnisa urim të ndjerë për Meritonin në ditën e ditëlindjes

Finalisti i “Big Brother VIP”, Meriton Mjekiqi ditën e sotme feston ditëlindjen.  Ndryshe nga çdo vit tjetër këtë ditë kaq të rëndësishme për të, konkurrenti do ta festojë brenda reality shoë-t.

E teksa ora shënoi 00:00 banorët e uruan Meritonin për ditëlindje, ndërsa nuk kanë munguar as urimet e familjarëve dhe miqtë e tij.

Një ndër ta ishte edhe e dashura e moderatorit, Ilnisa Agolli, e cila sapo akrepat e orës shënuan 00:00 përmes një postimi në InstaStory e ka uruar Meritonin me fjalë zemre.

“Gëzuar ditëlindjen Meritoni im. Je arsyeja e fitores time”- ka shkruar gazetarja duke e shoqëruar me një zemër.

Kujtojmë që çifti u njohën dhe u dashuruan së bashku në shtëpinë e “BBV”, ndërsa Meritoni dhe Ilnisa kanë treguar se do ta vazhdojnë lidhjen edhe pas daljes së moderatorit nga shtëpia.