“Ish-burri më rrëmbeu djalin”, ish-banorja e Big Brother rrëfen ngjarjen! Çfarë ka ndodhur

Briseida Xhelaj, ish-banorja e njohur e BBVA, ka rrëfyer mes lotësh për djalin e saj të rrëmbyer me forcë nga ish-bashkëshorti i saj, pa dëshirën e të miturit.

Sipas Xhelaj, fëmija është marrë në mënyrë të paligjshme, duke shfrytëzuar sistemin gjyqësor.

“Pas daljes nga ‘Big Brother’, kuptova se ai e ka marrë fëmijën me anë të gjykatës, duke pretenduar se unë kam qenë e dhunshme ndaj tij”, tha Xhelaj, në emisionin “Kosova Today” në Klan Kosova.

Ajo pretendoi se ai ka korruptuar autoritetet gjyqësore. Mes tjerash ish-konkurrentja e BBVA zbuloi disa detaje në lidhje me jetën që po bën djali i saj dhe se si i ati po e lë edhe vetëm.

Në këtë edicion të Big Brother ka pasur disa ndryshime pasi kanë qenë edhe disa personazhe jo publikë. Në mesin e tyre ishte edhe Briseida e cila u fut në shtëpinë paralele tek “Borëbardha me 7 xhuxhat”.