"E quajta shoqe", kriset miqësia mes Merit dhe Ilnisës

Zinxhiri i shpëtimit, spektaklin e mbrëmjes së kaluar, ka krijuar debate të forta në shtëpi, ku sigurisht nuk i ka shpëtuar Meri dhe Ilnisa.

Ilnisa, Gazi dhe Meri janë tre të nominuarit për javën e ardhshëm, ku sipas zinxhirit të shpëtimit, Ilnisa dhe Meri ishin të fundit ndërsa Gazi u dërgua menjëherë në nominim për shkak të zarfit të zi, pasi kishte thyer rregullat.

Teksa kanë qenë në dhomën e gjumit, Meri dhe Gazi kanë diskutuar në lidhje me një deklaratë të Ilnisës, e cila është shprehur se nuk do ia falë kurrë Vesës që po ia heq Merin nga BBV3.

Mirëpo Meri nuk e ka pritur aspak mirë komentin e saj, e cila e konsideron atë si një konkurrente tepër të dobët.

Meri: Unë me Ilnisën jam deklaruar si shoqe dhe kam mbajtur pozicionin si shoqe, nuk kam mbajtur pozicionin si lojtare. Se po të dua të bëhem lojtare bëhem shumë kollaj

Gazi: Si të gjithë.

Meri: Po dreqi e mori, i kam thënë shoqe, më ka thënë shoqe dhe nuk doja të shkelja këtë gjë.

Gazi: Ti je tjetër gjë. Unë gjithmonë që jam zënë me atë, jam zënë se ka sulmuar të tjerët.