Aliyev rikonfirmohet si President/ Rama: Mezi po pres të hapet ambasada e re në Baku

Presidenti i Azerbajxhanit, Ilham Aliyev është rikonfirmuar në detyrë duke fituar 92.1% të votave në zgjedhjet presidenciale.

Kryeministri Edi Rama ka përgëzuar Aliyev për rikonfirmimin në detyrë duke shtuar se nën udhëheqjen e tij Azerbajxhani do të bëjë hapa të mëdhenj përpara.

Rama ndër të tjera shkruan në “X” mezi pret që të ndihmojë në hapjen e Ambasadës së re Shqiptare në Baku shumë shpejt.

“Urime të përzemërta mikut tim të dashur Ilham Iliyev për rikonfirmimin e tij si lider i padiskutueshëm i Azerbajxhanit mik, një vend i mrekullueshëm me njerëz të zellshëm, punëtorë, të cilët, nën udhëheqjen e tij, po bëjnë hapa të mëdhenj përpara!

Mezi pres të ndihmoj në hapjen e Ambasadës së re Shqiptare në Baku shumë shpejt”, shkruan Rama.