ASAP Rocky nuk e mban më të fshehtë: Rihanna është dashuria e jetës sime

A$AP Rocky konfirmoi se është në një lidhje me Rihannën, ndërsa për mediat tha se këngëtarja është dashuria e jetës së tij.  Reperi nuk dha shumë detaje, përveçse u shpreh se nuk ishte ndjerë ndonjëherë më mirë se kaq, pasi kishte gjetur të duhurën. Asgjë nuk është e sigurt, por të dy ata mund të martohen, pasi reperi foli se dëshiron të bëhet baba.

Rihanna, tregon ai, e ka frymëzuar në këngët e tij. Lidhja e tyre duket e shëndetshme, madje sipas burimeve të afërta të çiftit kanë treguar se ata kanë bërë pushime bashkë.

 “Kalimi i Krishtlindjeve së bashku ishte një hap që e qartësoi marrëdhënien midis Rihanna-s dhe A$AP. Ata e kanë njohur njëri-tjetrin për aq kohë sa janë dhe miq dhe në një mjedis pune, gjë që e bën kaq të lehtë për ta të shkojnë mirë, të udhëtojnë së bashku dhe të përfshihen në jetën e njëri-tjetrit në mënyrë të plotë. Ata gjithmonë kalojnë një kohë kaq të mirë së bashku dhe padyshim që duken të dashuruar”, ka thënë burimi.