Aktori i jep lamtumirën “La Casa de Papel”: Do më mungosh profesor (Video)

Aktori Alvaro Morte përmes një postimi në Instagram, ka lajmëruar të gjithë fansat se i ka dhënë lamtumirën serialit La Casa de Papel. Morte me një video në lëvizje nga sheshxhirmi i sezonit të pestë të serialit, bëri të ditur se sapo është larguar pas përfundimit të xhirimeve për finalizimin e historisë që u kthye në sukses të ekranizuar.

“Duke u larguar nga seti i ‘La Casa de Papel’ për herë të fundit. Fjalët janë të pakuptimta. I jam mirënjohës fansave (të parëve), skuadrës së punës dhe Netflix. Dhe ty i dashur Profesor. Do më mungojë argëtimi me ty.

Faleminderit”, ka shkruar Alvaro, i njohur për rolin protagonist të profesorit që udhëhiqte skuadrën e hajdutëve.