Prona luksoze e 2.1 mln euro të sekuestruara, mediat franceze: Ermal Beqiri kërkon të qëndrojë në Francë

Ermal Beqiri, biznesmeni shqiptar që mbahet i burgosur në Francë dhe kërkohet nga drejtësia shqiptare, ka kërkuar sërish lirimin e tij përpara dhomës së hetimeve të Gjykatës së Apelit në Amiens.

Sipas gazetës franceze Courrier Picard, vendimi për kërkesën e tij pritet të premten.

Artikulli, i publikuar më 20 tetor 2026, mban titullin: “Kështjellë në Oise, 2,1 milionë euro të sekuestruara: shqiptari i pasur i arrestuar në Albert dëshiron të qëndrojë në Francë”.

Sipas raportimit, Beqiri ndodhet ende në burgun e Beauvais, ndërsa përpara drejtësisë franceze ka paraqitur sërish kërkesën për t'u liruar.

Gazeta thekson gjithashtu dëshirën e tij për të qëndruar në Francë.

Çështja lidhet me kërkesën e autoriteteve shqiptare për Beqirin, i cili kërkohet nga drejtësia shqiptare kundër korrupsionit. Ndërkohë, në Francë është raportuar për sekuestrimin e pasurive me vlerë 2,1 milionë euro dhe për një kështjellë në departamentin Oise.

Vendimi i gjykatës franceze për kërkesën e tij për lirim pritet të premten, sipas Courrier Picard.