Zgjedhet në Kosovë, KQZ publikon të dhënat e fundit, vijon të kryesojë bindshëm Vetëvendosja

Komision Qendror i Zgjedhjeve të Kosovës ka publikuar të dhënat e fundit nga procesi i numërimit të votave.

Vijon numërimi i votave nga zgjedhjet parlamentare në Kosovë. Deri më tani janë numëruar 2244 vendvotime nga  2533 në total.

Lëvizja Vetëvendosje, udhëheq me 41.14%. E dyta rendit PDK me 21.99%, ndërsa e treta është LDK me 17.68 %.

AAK dhe Nisma kanë marrë 7.65%  të votave nga qytetarët e Kosovës. Më pas në renditje vjen SRPSKA LISTA me 4.5% dhe Koalicioni për Familje 2.30%.

Të drejtë vote në këto zgjedhje kishin 1 milion e 970 mijë e 944 qytetarë.