"Vrave PD-në", deputetët sulmojnë Bashën pas përjashtimit të Berishës

Lulzim Basha është kritikuar lidhur me vendimin e tij për të përjashtuar Sali Berishën. Tritan Shehu ka kundërshtuar përjashtimin.

“Me vendimin për përjashtimin e Berishës vrave PD,” i ka thënë Shehu-Bashës. Kundër këtij vendimi kanë dalë gjithashtu edhe Bujar Leskaj dhe Flamur Noka.

Kreu i demokratëve njoftoi këtë mbrëmje përjashtimin e Sali Berishës nga grupi parlamentar i PD. Basha e cilësoi si vendimin e tij më të vështirë, ndërsa tha se do të jetë në fuqi derisa të sqarohet çështje me SHBA-në.

Vendimin e përjashtimit të tij, Berisha e cilësoi si nul, duke theksuar se Basha ka qenë nën presion. Ish-kryeministri tha se Basha mund të jepte pesë herë dorëheqjen e tij dhe jo të merrte këtë vendim. Ndërkohë, në mbledhjen e grupit Basha ka thënë se vendimi për përjashtim është i padakordësuar me Berishën.