“Vijnë studentët me fuoristrada”/ Rama ironi me pedagogen te Universiteti Politeknik: Të ecin çikë në këmbë

Kryeministri Edi Rama vizitoi sot punimet në Universitetin Politeknik të Tiranës, ku po rikonstruktohen dy ndërtesat ekzistuese.

Gjatë një diskutimi për njërën prej hapësirave, pedagogia i tha Ramës se duhet parkim për stafin dhe studentët.

Pjesë nga diskutimi:

Rama: A duhet bërë më pjesë studentore kjo hapësirë, se rrinë studentët jashtë. Duhet parë. Ju e dini vetë.

Pedagogia: Duhet menduar edhe për parkim makinash se vijnë profesorët me makina ose studentët dhe u zënë vendin profesorëve.

Rama: A po, janë edhe studentët me makina, keni të drejtë.

Pedagogia: Studentët vijnë me fuoristrada.

Rama: Po e kemi edhe këtë problem, më mirë të ecin çikë në këmbë, do e bëjmë parkimin e madh tek “Nënë Tereza” dhe të ecin në këmbë.