Tensionet në Kuvend, PS kërkon përjashtimin e 3 deputetëve të opozitës

Grupi parlamentar i PS-së ka kërkuar masë disiplinore për 3 deputetë të opozitës: Flamur Noka, Bledjon Nallbati dhe Saimir Korreshi për seancën e tensionuar të së hënës.

Sekretariati i Etikës do të mblidhet të mërkurën në orën 13:00 për vendimin.

Kujtojmë se pankartat me mesazhe dhe zhurmat e lëshuara nga makineri elektronike u përdorën si një shprehje revolte nga deputetët e opozitës që kërkojnë rikthimin e “të drejtave kushtetuese të mohuara”, përfshirë komisionet hetimore parlamentare dhe ndryshimin e përbërjes së Komisionit të Reformës Zgjedhore.

Në një moment, deputeti demokrat Flamur Noka pati përplasje fizike me një punonjës së gardës, i cili tentoi ta ndalonte për të shkuar pranë deputetit Sinaj.