Tensionet në Kuvend, përjashtohen me 10 ditë nga seancat Elda Hoti dhe Petrit Doda

Sekretariati i Etikës ka përjashtuar nga punimet e kuvendit për 10 ditë dy deputetët e opozitës, Elda Hoti dhe Petrit Doda.

Vendimi vjen pas tensioneve të ndodhura në seancën e fundit plenare, ku Hoti u përjashtua nga seanca pasi ishte futur në sallë me një shishe, që u dyshua se kishte benzinë në të.

Nga ana tjetër sipas mazhorancës deputeti Doda bllokoi foltoren duke përdorur karriget e sallës, me qëllim për të mos lejuar zhvillimin e diskutimeve mbi çështjet e rendit të ditës.

Në kërkesën e përjashtimit, PS argumenton se Hoti hodhi në një lëndë të dyshuar të rrezikshme, e ndihmuar edhe nga Petrit Doda.

Për këtë akt, Hoti është vënë në hetim edhe nga Policia e Tiranës, e cila ka sekuestruar 4 shishe të vogla në sallën e Kuvendit. Lënda do të verifikohet, pasi PS ngriti dyshime se ishte benzinë, por në fakt vetë deputetja thotë se ishte parfum. 

Po kështu Hoti, sipas procesverbalit dhe pamjeve, ka bllokuar fjalimin e deputetit socialist Petro Koçi, duke i hequr kartën elektronike, sikurse tentoi edhe me deputetin Eduart Shalsi.