"Të përgatitemi për valën e re të pandemisë...", Rama: Do marrim masa shtesë

Politikë

"Të përgatitemi për valën e re të

Kryeministri Edi Rama ka paralajmeruar se vendi duhet të përgatitet për valën e re të koronavirusit, të nxitur nga varianti “Omicron”.

Në konferencën e fundvitit për mediet, Rama foli për nevojën e rishikimit të masave kufizuese, me qëllim parandalimin e përhapjes së Covid 19.

“Deri tani ia kemi dalë, duke garantuar një jetë goxha të çliruar nga shtrëngesat dhe duke i dhënë mundësi ekonomisë që të fluturojë, për t’u larguar nga humnera ku ishim vitin e shkuar.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Sot jemi në kushtet ku duhet të përgatitemi për një valë të re, nga varianti i ri i Covid (Omicron) që po mbyll vendet e tjera. Ne nuk do të ngutemi, vetëm se duhet ta dimë që nuk mund ta kalojmë sikur nuk ndodh asgjë. Mbase disa masa duhen rimarrë, pa shtrënguar zinxhirin e jetës dhe ekonomisë”.

Kryeministri foli për një shërbim më të mirë shëndetësor. Sot, tha ai, kemi 56 autoambulanca të reja, që e ka çuar flotën në një numër optimal, ndërkohë që “Spitali Infektiv do të rindërtohet nga themelet dhe do të ketë të gjitha kushtet”.

Ndërkohë, shqiptarët mund të kalojnë jashtë natën e ndërrimit të viteve, pasi nuk do të ketë orë policore.

Komiteti i Ekspertëve njoftoi pak ditë më parë se nuk do të ketë kufizim orari natën e 31 dhjetorit. Por, teksa në vend është konfirmuar prania e variantit “Omicron” të koronavirusit, grumbullimet mund të ndikojnë në rritje të numrit të infektimeve.

ME TE LEXUARAT