"Është arrestuar Presidenti i Ramës", Flutura Açka - kolegëve: Kur erdhi koha për t’ju braktisur, nuk i ra në mend për ju!

Deputetja e PD, Flutura Açka ka komentuar arrestimin e Ilir Metës, por ndryshe nga kolegët e saj opozitarë ajo iu bën thirrje të flasin drejt dhe kujtojnë se si Meta, “Presidenti i Edi Ramës, i cili, kur erdhi koha për t’ju braktisur, nuk i ra në mend për ju.”

Ajo shton se për politikanët ka bindjen se duhet vetëm vetting, për secilin deri tek Edi Rama.

“Opozitarë të nderuar,

Shqiptarëve iu flisni drejt: është arrestuar Presidenti i Edi Ramës, i cili, kur erdhi koha për t’ju braktisur, nuk i ra në mend për ju. Mbase, në të drejtën e vet. Dhe ne, opozitarët, e përligjëm vendimin e tij: kështu e ka politika!

Për njeriun, për çdo njeri kam dhimbje, për politikanin kam bindje: vetëm vetting! Për secilin prej nesh, deri tek Edi Rama, i cili, prej marrëzive të tij politike, e shpopulloi Shqipërinë në kufijtë e shifrave të 1900-tës.”