Ristani i përgjigjet opozitës: Mjaft shpifët! Bashkia Tiranë nuk ka djegur asnjë provë!

Kryetarja e komanduar e Bashkisë Tiranë, Anuela Ristani ka reaguar lidhur me akuzat ndaj institucionit që ajo drejton. Ajo i është përgjigjur opozitës se Bashkia Tiranë nuk ka djegur asnjë provë ligjore dhe se sipas tyre PD po mbush me shpifje qytetarët.

"Ne, në Bashkinë e Tiranës nuk çuditemi më nga askush që na akuzon pa prova, pa arsye tjetër përveç interesit publik. Kemi parë e dëgjuar lloj çudirash.

Përgjigja ka qenë vetëm një, do të vijojmë punën.

Bashkia e Tiranës akuzohet se djeg kamionë me dokumente në mes të ditës, në sy të një zonje që është akuzuar nga Partia Demokratike në trotuarin para bashkisë. Kjo është një marrëzi e një niveli të denjë për shfaqje seriale, ku nuk mungon as aksioni, as satira, as trishtimi. Ky i fundit është për ata qytetar që nuk e kanë për kusur të mbushen me shpifje dhe trillime.

Bashkia e Tiranës siguron se çdo shkresë ruhet me rigorozitet në arkiv", shprehet Ristani.