Rama për SPAK: E krijoi PS, jo Amerika! Sot dhe bufi i kënetës i tmerrohet drejtësisë!

Kryeministri Edi Rama në rubrikën Sy më sy deklaroi se ka qenë vullneti i mazhorancës për të krijuar SPAK-un dhe një drejtësi të pavarur nga politika.

Rama po ashtu kritikoi punën e prokurorisë së Posaçme duke thënë se zyrtarët e drejtësisë duhet të kenë më tepër integritet dhe profesionalizëm.

"Ju e dini që këneta është e përbetuar përmes gojës së bufit të vet që do ta shkrijë SPAK. Nëse do të isha dhe unë i interesuar për këtë, i shqetësuar siç përpiqen të më pikturojnë disa që janë pjesë e problemi dhe nuk kanë lidhje me zgjidhjen, kjo do të ishte më thjeshta fare.

Një fishkëllimi bufit dhe e di si vinte bufi apo jo?!

Ai buf bufi me një fishkëllimë se e sillte tmerri që ka nga drejtësia, nga SPAK, me tmerrin që ka me të kaluarën që nuk e ndryshon dot dhe e persekuton çdo ditë. Do të shikoni që nuk do hapte gojë Amerika sepse kanë ndryshuar qasje për momentin. Kjo është punë e saj, punë e një superfuqie. SPAK është aty, do jetë aty me mbështetjen e fuqisë së PS. Ne jemi vullneti i popullit shqiptar, populli shqiptar kërkon që SPAK të jetë aty, të fuqizojë veten.

Sot kemi prova të pavarësisë së SPAK. Pavarësia nuk mjafton. Duhet profesionalizëm dhe integritet", tha Rama.