Rama: Kam falenderuar Policinë kur ka gjobitur deputetët e PS, PD do bëjë viktimën pas mitingut

Kryeministri Edi Rama I ftuar në emisionin “Opinion” është pyetur sesi është lejuar nga Policia e Shtetit një miting i tillë si i Partisë Demokratike sot, gjatë çeljes së fushatës.

Rama me ironi u shpreh se PD dhe aleatët e saj do të bëjnë viktimën edhe nëse policia i gjobit edhe pse ai vetë i ka falënderuar kur janë gjobitur deputetë të Partisë Socialiste.

“Nëse kjo pyetje do më ishte bërë 5 apo 10 vite më parë do ishte më e vështirë, tani nuk jam më në vështirësi. Nuk e di çdo të bëjë policia në këtë rast, nuk i kam thënë policisë gjobit apo mos gjobit I kam falenderuar kur kanë gjobitur deputetët tanë.

 Ata janë artistë në të bërit viktimën, siç bënë në Elbasan, bënë  një manipulim brutal dhe u bë sikur unë kisha vajtur me një bandë dhe I ra në qafë një grupi dasmorësh që kishin dalë në ditën e verës. Shpresoj që të mos bëjë gjë policia, sepse do ta hajë policia gjithë baltën që do të prodhohet në klubet e natës.”-tha Rama.