Nga Berisha tek djali i Sokol Olldashit, fotot brenda votimit në Këshillin Kombëtar të PD

Këshilli Kombëtar i Partisë Demokratike votoi sot për zgjedhjet e Kryesisë së re.

Nga fleta e votimit është hequr emri i kreu të PD-së në Durrës, Ferdinant Xhaferaj, i cili ka lajmëruar që një natë më parë se nuk ka ndërmend që të garojë, duke u tërhequr nga procesi.

Votën për Kryesinë e re e hodhi dhe ish-kryeministri Sali Berisha dhe djali i Sokol Olldashit. Fotot nga LSA.

Propozimet e Lulzim Bashës janë miratuar mbrëmjen e sotme nga Këshilli Kombëtar i Partisë Demokratike.

Ekipi i ri do të drejtojë opozitën shqiptare kundër qeverisë për 4 vitet e ardhshme.

E ndërsa Edmond Spaho largohet nga cdo drejtim brenda partisë duke qëndruar deputet i thjeshtë, Edi Paloka zë vendin e Bujar Nishanit në krye të Këshillit Kombëtar.

Në listë ka shumë të larguar nga mandati i dytë i Lulzim Bashës në krye të PD-së 2017-21 duke u zëvendësuar me rinj në postet drejtuese të strukturave të partisë nga sekretariatet te komisionet parlamentare.