Mbrojti aleatët politikë? Berisha: Fatmir Mediut i hoqëm imunitetin pas shpërthimit në Gërdec

Ish-kryeministri Sali Berisha të enjten iu është përgjigjur pyetjeve të gazetarëve në lidhje me deklaratën e DASH, se ai “ka mbrojtur dhe favorizur aleatët politikë”.

Në këtë pikë, ish-Kryeministri përmendi Fatmir Mediun dhe Ilir Metën, për të cilët tha se ju ka hequr imunitetin.

“Sali Berisha është autor i heqjes së imuniteteve në këtë vend. Ish-ministri Fatmir Mediu pas ndodhisë në Gërdec i kemi hequr imunitetin. Çfarë ndërhyrje qenka kjo? Heqja e imunitetit qenka ndërhyrje?

Çfarë ndërhyrje qenka për Ilir Metën kur ai hoqi vetë dorë nga imuniteti dhe kërkoi hapjen e procesit.

Ndërhyrje është pengimi me imunitet apo mospengimi me imunitet? PD do të ndjehej në vështirësi nëse ky person nuk i adresohet një gjykate neutrale për të bërë drejtësi. Në qoftë se duam të bëjnë vetë prokurorin, vetë gjykatësin, atëherë jo, kjo nuk është”.-tha Berisha.