Krimi i rëndë në Greqi, 'çelësi' që mund të çojë në zgjidhjen e misterit të vrasjes është psikologu i 20 vjeçares

Policia greke mendon se çelësi që mund të zgjidh misterin e vrasjes së 20 vjeçares Caroline është psikologu i saj.

Analistët e vrasjeve përpiqen të lexojnë "prapa rreshtave" dhe çfarë përshkroi psikologu, për të parë nëse dhe kush dinte për paratë dhe momente nga jeta e përditshme e familjes, për të arritur në zgjidhjen e misterit.

Ata vlerësojnë se psikologu mund të "ndriçojë" disa njolla të errëta dhe të kontribuojë me vendosmëri në hetimet e Autoriteteve.

Në të njëjtën kohë, piloti 32-vjeçar, i cili ngadalë ka filluar të rikuperohet nga tronditja, do të thirret përsëri për të biseduar me policinë dhe për të shpalosur detaje se si e ka përjetuar skenën e vdekjes , por edhe për profilin e tre grabitësit.

Vlen të përmendet se rezultatet e para nga Laboratorët e Mjekësisë Ligjore të Policisë Greke janë të dobëta, shumë pak informacion është gjetur në shtëpinë e viktimës- autorët u larguan dhe madje morën kartat e kujtesës nga kamerat - një fakt që shqetëson policinë greke.

Ditët e ardhshme, sipas burimeve në protothema.gr, do të jenë vendimtare për hetimin e çështjes.

Kujtojmë që Caroline Crouch u vra gjatë një grabitje të ndodhur në banesën e saj ditë më parë.