Mbërrijnë në Itali 12 emigrantët nga Gjadri, qeveria "luftë" gjykatave, ministri i Melonit: Referendum!

Anija e patrullës së Rojës Bregdetare që mbante 12 emigrantët nga qendra e pritjes ne Lezhe, ka mbërritur në portin e Barit ne Itali diten e sotme.

Të premten, seksioni i emigracionit në gjykatën e Romës nuk e ka cilesuar te rregullt dergimin e tyre brenda qendrës ne Gjader te Lezhes.

Anija patrulluese italiane u nis rreth orës 9.30. Pas zbarkimit, emigrantët, 8 Bangladesh dhe 5 Egjiptianë, do të dërgohen në qendrën e pritjes për azilkërkuesit në kryeqytetin pulian. Edhe pse kërkesa e tyre për azil tashmë është refuzuar, ata do të kenë 14 ditë kohë për të apeluar vendiin.

Nga ana tjeter nderhyrja e gjykates ne marreveshjen Rama-Meloni eshte pritur keq nga qeveria italiane.

Nordio: "Një çështje e politikës që nuk ka lidhje me magjistratët"
Duke mbrojtur reagimet e Melonit, ministri i saj i drejtesise tha se “reagimi i politikanëve nuk ishte kundër drejtësisë. 

Ministri i Drejtësisë, Carlo Nordio, duke folur para gazetarëve në margjinat e një konference në Palermo, ka shtuar se “nuk mund të jetë drejtësia që e përkufizon një shtet pak a shumë të sigurt, pasi ky është një vendim shumë i lartë politik.

Ai paralajmeroi se qeveria do te të marrë masa legjislative”.

“Nëse gjyqësori i tejkalon kompetencat duke i atribuar prerogativa që nuk mund t’i ketë si ajo e përcaktimit të një shteti të sigurt, duhet të ndërhyjë politika që shpreh vullnetin popullor – nënvizoi ministri – Ne i përgjigjemi popullit, nëse populli nuk pajtohet me marrëveshjen ata vendosin qe ne shkojmë në shtëpi./lajmifundit.al