Luan Baçi në SPAK, deputeti demokrat, i kallëzuar nga një qytetar për fshehje pasurie

Deputeti i Partisë Demokratike Luan Baçi është thirrur këtë të premte në Prokurorinë e Posaçme. Mësohet se ai po hetohet për pasurinë në lidhje me një kallëzim që është depozituar në SPAK ndaj Baçit.

AI është kallëzuar nga një qytetar nga Fieri, i cili pretendon se deputeti demokrat ka fshehur pasurinë e tij, një shumë prej 800 mijë eurosh, më konkretisht një kompleks apartamentesh në qytetin e Vlorës, vlerën e të cilin Baçi nuk ka bërë deklarim.

Baçi është paraqitur i vetëm, pa shoqërimin e një avokati dhe pritet që kur të dal nga ambientet e SPAK të bëjë një deklaratë.

Ndërkohë, më herët në SPAK u paraqit dhe ish-ministri Saimir Tahiri për të dhënë sqarime për “21 janarin”. Pas daljes nga SPAK ku qëndroi për rreth një orë, Tahiri u shpreh për mediat se ka dhënë sqarime si protestues dhe si një nga kallëzuesit e ngjarjes tragjike.