LSI nuk plotëson numrin e deputetëve/ Kuvendi me katër grupe parlamentare, lëvizja surprizë e Bashës

Këtë legjislaturë Kuvendi i Shqipërisë do të ketë katër grupe parlamentare, PS, PD, PR dhe PDIU.

Grupi i shumicës socialiste edhe këtë mandat do të drejtohet nga Taulant Balla. Lulzim Basha i besoi Alfred Rrushajt.

Grupi i PDIU-së, Demokraci dhe Integrim do të drejtohet nga Mesila Doda. Grupi i fundit do të jetë Aleanca për Ndryshim që do të drejtohet nga kreu i PR-së, Fatmir Mediu.

Grupet e PR-së dhe PDIU-së u formuan me ndihmën e PD-së, që u dha “borxh” deputetë dy aleatëve për të forcuar zërin opozitar në Kuvend.

LSI nuk do të ketë grup parlamentar, pasi PD nuk ka pranuar t’i japë deputetë nga përfaqësuesit e saj.