“Lironi liderin”, Argita Malltezi i bashkohet protestës me mbishkrimin e veçantë në bluzë

Argita Malltezi, vajza e ish-kryeministrit Sali Berisha, është bërë pjesë e protestës para Bashkisë së Tiranës.

Ajo ka zgjedhur të përcjellë një mesazh në lidhje me të atin, duke veshur një bluze në të cilën ishte stampuar thënia “ Lironi liderin e Opozitës”.

Sot, para Bashkisë së Tiranës, po zhvillohet një protestë me pjesëmarrjen e Rithemelimit dhe Aleancës për Teatrin. Gjatë protestës, demostruesit kanë hedhur vezë në drejtim të godinës së Bashkisë.

 Situata është tensionuar, në momentin që këshilltarët e Partisë Demokratike kanë tentuar të futen brenda Bashkisë, por nuk janë lejuar nga policia, duke shkaktuar tensione dhe përplasje.