Lexoi 5 kërkesat e protestuesve, Rama për Dritan Goxhajn: Manipulator gjysmë taleban e gjysmë mitoman

Kryeministri Edi Rama këtë të martë ka dalë me një reagim tjetër në rrjetet sociale. Reagimi i tij ka ardhur lidhur me pesë kërkesat kryesore të qytetarëve që protestojnë prej 22 ditësh.

Ish-luftëtari i UÇK-së, Dritan Goxhaj, i cili lexoi kërkesat tha se ishte autorizuar nga grupi koordinues i protestës për të folur në emër të organizatorëve dhe protestuesve.

Rama në postimin e tij e ka cilësuar Goxhajn një manipulator gjysëm taleban e gjysëm mitoman teksa shtoi se ai nuk e hedh një pikë balte mbi flamurin e UÇK-së. Ai gjithashtu ka publikuar një dokument të vitit 1999, ku sipas saj Goxhaj kishte deklaruar:  S’më ka marrë koka erë si im atë që të luftoj në Kosovë.

“Po mos bre mos ja kajni nanën krejt, çfarë komandant i leshit more”… Këto ishin fjalët e një burri me disa të vrarë në familje, që më çoi dokumentin bashkëngjitur sot në sabah!

Ndërsa këto janë fjalët e mia:

Ej, trima, jo për një manipulator gjysëm taleban e gjysëm mitoman, po për krejt botën sikur të ma falin, nuk e hedh një pikë balte unë mbi flamurin e UÇK-së”, shkruan Rama.