“Largohu hajdut”, Edi Paloka tenton t’u afrohet minatorëve por e përzënë

Minatorët ishin mbledhur për të protestuar paraditen e sotme para kuvendit ku vijoi tensioni si jashtë dhe brenda kuvendit.

Deputeti demokrat Edi Paloka u përpoq të shkonte pranë minatorëve për të dëgjuar kërkesat e tyre por këta të fundit e kanë përzënë duke iu drejtuar me fjalët: Largohu, hajdut!

Më pas Paloka u largua duke hyrë në kuvend. Minatorët kanë paralajmëruar se do të vazhdojnë me veprime të tjera nëse kërkesat e tyre nuk plotësohen.

Ata kërkojnë miratimin e statusit të tyre në Kuvend, si dhe përmirësimin e kushteve të punës. Ata u kanë vendosur një afat prej dy javësh ligjvënësve shqiptarë dhe janë në pritje të një përgjigje. 

Nisur nga protesta e minatorëve, Bardhi tha se PD ka dëgjuar kërkesat e tyre dhe kanë përgatitur një projektligj që dot të dorëzohet nesër.