Kuksianët në mbështetje të protestës, në Tiranë vargje të veçanta dedikuar Ramës e Berishës

Tubim u mbajt këtë të premte edhe në Kukës ku një grup qytetarësh protestuan në shenjë solidaritetit për kërkesat e qytetarëve të ngritur me pretekst çështjen "Zvërneci".

Tubimi i kuksianëve u zhvillua pa incidente dhe u bë e qartë nga pjesëmarrësit se shqiptarët do të kenë mbështetje edhe për çështje të tjera të ngjashme

Sakaq në Tiranë, një i ri recitoi vargje që dukeshin spontane, dedikuar politikanëve shqiptarë; kryeministrit Rama ndërsa nuk kurseu as kreun e opozitës Sali Berisha.

“O Edi Rama a dëgjon?
O Sali Berisha a dëgjon?
Shihni si i keni mbledhur sot?
Ku do mbyteni o tradhëtarë?
Kemi për t’ju marrë zvarrë
Popullin siç e keni marrë
34 vite me rradhë.”

Ky moment u prit me entuziazëm nga të pranishmit, duke e kthyer tubimin në një shfaqje të hapur pakënaqësie ndaj klasës politike. Protesta në Kukës është pjesë e një vale më të gjerë reagimesh qytetare që po shoqërojnë debatin mbi projektin e Zvërnecit.