Korrupsioni në zgjedhje, SPAK kërkesë Policisë: Të arrestohet kandidati i LSI për Tiranën, Etjon Joka

TIRANË- SPAK i ka bërë ditën e sotme në kërkesë Policisë për arrestimin e kandidatit për deputet të LSI-së, Etjon Joka pasi u filmua duke blerë vota. Apeli i GJKKO-së, ka refuzuar kërkesën e Jokës për heqjen e masës 'Arrest me burg', i cili vijon të jetë në kërkim.

Si u zbulua blerja e votave?

I renditur i 22 në listat e LSI në Tiranë, kandidati Etjon Joka u shfaq në një video teksa i jepte 100 dollarë një qytetari që është angazhuar të mbledhë vota për LSI-në. Në videon e publikuar nga një emision investigativ, Joka bisedon edhe me një qytetar që i thotë se ka bërë 100 vota, duke përfshirë edhe 12 që i ka bërë gruaja e tij.