U zëvendësua nga Ulsi Manja, Kim takim me Etilda Gjonaj: Gruaja e parë në këtë pozicion kyç

Ambasadorja amerikane në Tiranë Yuri Kim ka zhvilluar ditën e sotme një takim me ministren e Drejtësisë në largim, Etilda Gjonaj, e cila do të pasohet nga Ulsi Manja në kabinetin qeveritar "Rama3"

Shefja e diplomacisë amerikane në Tiranë u shpreh se falë ministres Gjonaj, reforma në drejtësi ka filluar të japë edhe rezultate.

“U takova @GjonajEtilda për ta falënderuar ndërsa përfundon mandatin e saj të jashtëzakonshëm si Ministre e Drejtësisë – personi me jetëgjatësinë më të madhe dhe gruaja e parë në këtë pozicion kyç.

Ne vërejmë veçanërisht udhëheqjen e saj mbi reformën në drejtësi, e cila – me kontributin e saj – ka filluar të japë rezultate. SHBA do të vazhdojë të mbështesë fuqishëm zbatimin e reformës në drejtësi në Shqipëri.

Shpresojmë që të gjithë drejtuesit dhe institucionet e drejtësisë do të vazhdojnë të ecin përpara për të dhënë më shumë rezultate që i shërbejnë popullit të Shqipërisë, plotësojnë standardet e BE-së dhe forcojnë marrëdhëniet SHBA-Shqipëri” shkruan Kim.