Kadilli thirrje demokratëve: Distancohuni nga Sali Berisha

Ish-kandidati për kryetar të PD-së, Fatbardh Kadilli kërkon nga demokratët që të mbajnë një qëndrim të qartë lidhur me ish-kryeministrin Sali Berisha.

E ardhmja e Partisë Demokratike, për Kadillin nuk mund të jetë “non grata”. Për këtë arsye, Kadilli nënvizoi se Lulzim Basha duhet të flasë dhe të mos e lerë fatin e partisë në kryqëzime të rrezikshme politike.

“E ardhmja e PD-së nuk duhet të jetë ‘non grata’ PD duhet të ketë një qëndrim të qartë në raport me ish kreun e saj Sali Berisha. Nuk mund të presim vendime surprizë apo të minutës së fundit për një çështje që lidhet me fatin dhe të ardhmen e PD-së. As nuk mund të zvarritemi pa bërë asgjë.Berisha e ka bërë të qartë që fatin e PD-së do ta mbaj lidhur me fatin e vet “non grata”. Basha nuk flet duke e lënë partinë në kryqëzime të rrezikshme politike.Eshtë momenti të flasë partia çfarë qëndrimi ka për ish kryetarin “non grata”. Kjo është detyrë e Kryesis dhe e Grupit Parlamentar. Për secilin koleg, është nder të ulesh në karriken e kryesisë dhe të deputetit, por së pari është përgjegjësi.Keni në dorë të merrni një vendim historik. Luhet fati dhe e ardhmja e Partisë Demokratike që nuk duhet të jetë ‘non grata’.”