I cilësuar si eskobari shqiptar i drogës, SPAK pushon hetimet për Met Kananin, zbulohet arsyeja

Politikë

I cilësuar si eskobari shqiptar i drogës, SPAK pushon hetimet për

SPAK ka kërkuar pushimin e hetimeve për Met Kananin, i cilësuar ndryshe dhe si eskobari shqiptar i drogës.

Burime zyrtare nga Prokuroria e Posaçme bëjnë me dije për Fax News, se hetimet janë pushuar për shkak se Kanani është dënuar për të njëjtën vepër penale edhe në shtetin turk.

Met Kanani është personi që ka tentuar të trafikojë në nëntor të 2017-së 1.6 ton kanabis që u kap nga Policia Greke pas një përleshje në det.

Hetimet për këtë grup nisën nga ish prokuroria për krime të Rënda në tetor të vitit 2018, ku në pranga përfunduan edhe 18 perosna. Ndërkohë burime nga Spak bëjënë me dije si vijojnë hetimi pasurore për Met Kanin, i cili aktualisht është në burg në Turqi.

Grupi që drejtohej nga Met Kanani trafikonte lëndë narkotike nga Shqipëria drejt disa vendeve të ndryshme të Bashkimit Europian.

Policia kishte dyshime të forta se ky grup kriminal vepronte në linjat e trafikimit të heroinës, Turqi – Greqi – vendet e BE-së, si dhe Turqi – Maqedoni – Shqipëri – vendet e BE-së. Një tjetër aktivitet kriminal, i zbuluar nga hetimet ishte trafikimi i kokainës nga vendet e Amerikës Latine përmes vendeve të Ballkanit në Shqipëri dhe vendet e BE-së.

ME TE LEXUARAT