Emërohet kryetarja e bashkisë Tepelenë pas dorëheqjes së Tërmet Peçit

Julinda Karteri është emëruar kryetare e komanduar e Bashkisë Tepelenë. Ajo do të zëvendësojë Tërmet Peçin, një ditë pas dorëheqjes së tij.

Kryetari i Bashkisë Tepelenë, Tërmet Peçi, dha dorëheqjen nga posti një ditë më parë.

Ai mban postin e qytetarit të parë të Tepelenës prej vitit 2011, do të jetë gjithashtu kandidat i PS për deputet në zgjedhjet e 11 majit.

Të martën edhe kryebashkiaku i Matit, Agron Malaj, dha dorëheqjen nga posti, pasi do të kandidojë për PS-në në Dibër.

Listat për kandidatët për deputet duhet të dorëzohen të mërkurën para mesnate në KQZ.