Deputeti shpërthen ndaj Berishës: Po merr zvarrë një forcë politike si mburojë  

Deputeti i Partisë Socialiste Plarent Ndreca i ftuar në një program televiziv tha se ish-kryeministri Sali Berisha po merr zvarrë Rithemelimin si mburojë para drejtësisë.

“Berisha po viktimizohet. SPAK po heq një njollë po themi një njollë të zezë të historisë së Shqipërisë sa i përket mos-ndëshkueshmërisë.

Shehu e mbështeste që ka një lëvizje politike që SPAK –un po e përdor si marionetë. Berisha mori një masë detyrim paraqitje dhe jo për ti mbyllur gojën. Ishte sjellja e Berishës ndaj institucioneve të drejtësisë e papranueshme në një vend perëndimor. Kjo nuk është qasja e një politikani të vitit 2024. Duhet të japësh shembull. Berisha po merr zvarrë edhe një forcë politike si mburojë”, tha ai.