Dënimi me burg i Adriatik Llallës, Yuri Kim: SPAK po jep rezultate, askush s'është mbi ligjin

Ambasadorja e SHBA, Yuri Kim ka përshëndetur vendimin e GJKKO për të dënuar me 2 vite burg ish-Prokurorin e Përgjithshëm, Adriatik Llalla.

Znj.Kim kujton se Llalla është një nga ish-zyrtarët e lartë që iu ndalua nga SHBA për korrupsion të rëndësishëm.

Vendimi i sotshëm sipas znj.Kim tregon se askush, pavarësisht se sa i fuqishëm është, nuk është mbi ligjin.

STATUSI NGA YURI KIM

Mirë që SPAK jep gjithnjë e më shumë rezultate. Kjo çështje, e cila përfshin një ish-zyrtar të lartë të ndaluar nga SHBA për korrupsion të rëndësishëm, tregon se askush – pavarësisht sa i fuqishëm – nuk është mbi ligjin.

Kur TË GJITHË janë të barabartë para ligjit, të GJITHË kanë dinjitet. Ky është dinjiteti i vërtetë.