Berisha thirrje gazetarëve: Bojkotoni Ramën! Mos i transmetoni asnjë fjalë dhe presje marrëzirave që flet!

Kreu i PD  Sali Berisha pasi braktisi seancën plenare në një komunikim me gazetarët u bëri thirrje këtyre të fundit që të bojkotojnë publikimin e daljeve të kryeministrit Edi Rama.

Berisha tha se mediat duhet të bllokojnë zërin e kreut të qeverisë pasi sipas tij, Rama nuk ka më çfarë të thotë.

“Parlamenti sot ishte se gjemia e braktisur nga kapiteni. Edi Rama ka braktisur gjeminë që po mbytet dhe nuk do të jetë i pranishëm.

Ka javë të tëra që nuk duket dot në parlament, por ka më shumë që nuk del dot para jush. Këtë e konsideroj akt të rëndë.

Dhe ftoj mediat që gjersa ai të dalë para gazetarëve të mos i transmetojnë asnjë fjalë dhe presje të marrëzirave që flet”, tha Berisha.