Berisha, në “arrest shtëpie”/ Kuvendi i ndërpret disa shërbime

Kuvendi i Shqipërisë i ka ndërprerë ish kryeministri Sali Berisha disa shërbime, që përfshijnë karburantin dhe telefonin.

Kjo është e bazuar në vendimin që ka marrë GJKKO, e cila e ka lënë në masën e sigurisë arrest shtëpie për akuzat për korrupsion pasiv për dosjen "Partizani".

 “Referuar statusit të deputetët dhe vendimi nr. 114/2014 “Për mënyrën e trajtimit të deputetëve”, të ndryshuar deputeti Sali Berisha nuk i paguhen përfitimet si karburanti dhe telefoni për shkak të masës së sigurimit personal të vendosur nga Gjykata e Posaçme e Shkallës së Parë për Korrupsionin dhe Krimin e Organizuar, me vendim nr. 520 datë 30.12.2023”, thuhet ndër të tjera në vendim.