“Berisha, Berisha”, mes brohoritjeve dhe duartrokitjeve, ish-kryeministri mbërrin në selinë e PD-së pas 1 viti

Sali Berisha pas 11 muajsh ka shkelur sërish në selinë e Partisë Demokratike. Kjo pasi sot iu hoq arresti shtëpiak në lidhje me dosjen “Partizani”.

Qindra simpatizantë me flamurin e  PD dhe atë kombëtar janë mbledhur jashtë selisë blu, ku mes brohoritjes kanë pritur kreun e PD-së, Sali Berisha.

“Berisha, Berisha, Berisha”, kanë thirrur simpatizantët.

Lideri demokrat ndodhej në "Arrest në shtëpi" prej 30 Dhjetorit 2023, kur Gjykata e Posaçme vendosi t'i kufizonte Sali Berishës lirinë, në kushtet kur ai nuk pranoi të paraqitej vullnetarisht përpara togave të zeza për dosjen e privatizimit të ish-kompleksit "Partizani". Sot ai është lënë i lirë.