Beqaj flet pasi del nga SPAK: Duhet të ma ndajnë, jam person në hetim apo…

Ish-ministri i Shëndetësisë Ilir Beqaj ka folur për gazetarët pas daljes së tij nga ambientet e SPAK ditën e sotme, teksa është pyetur për vijimin e hetimeve dhe detaje të tjera lidhur me çështjen e “Sterilizimit”.

I pyetur nëse do të pranojë verdiktin përfundimtar të SPAK javën tjetër për Sterilizimin, ai u shpreh se beson se e drejta e tij do të përballet në gjykatë dhe jo në prokurori.

Sa i përket akteve hetimore për të cilat SPAK ka vendosur një shumë prej 120 mijë lekësh për t’i tërhequr, ish-ministri tha se kur ka kërkuar aktet i është vënë para një urdhër i kancelares që flet për palë të treta.

Ai tha se duhet “të ndahet” nëse është person në hetim apo palë e tretë lidhur me këtë rast.

GJKKO me kerkese te prokurorise, ka vendosur ndaj Beqajt masen detyrim paraqitje per ceshtjen e sterilizimit, nderkohe qe ka urdheruar arrestimin e ish zv.ministrit te Shendetesise Klodian Rrjepaj dhe arrestimin e biznesmenit fitues te koncesionit, Ilir Rrapaj.