Basha akuza për vjedhje votash, Rama: Ata le të merren me ne, ne do vijojmë ngjitjen e vendit në majë

TIRANË- Pas akuzave të Bashës, reagon kryeministri Rama i cili thotë se lufta e vjetër politike s’është më punë e fituesve, por fokusi është tek vazhdimi i reformave për zhvillimin e Shqipërisë. Rama përsërit se ftesa për bashkëpunim me PD është e hapur për triumfin e vendit.

"Humbësit fokusohen tek fituesit. Fituesit fokusohen tek fitorja!Mandati ynë i Tretë nuk do t'i ngjajë dy të parëve në raport me humbësit.Ata le të merren me ne, ne do të merremi me ngjitjen e Shqipërisë në majë.Dora jonë për ta do jetë e shtrirë.Ftesa jonë për ta është e hapur!
Shqipëria meriton shumëfishimin e përpjekjeve tona dhe të gjitha energjitë ne do t'i harxhojmë vetëm për triumfin e këtij vendi, që e duam kampion të Ballkanit në turizëm, energji, bujqësi, inovacion e shërbime digjitale për qytetarët!Lufta e vjetër politike s'është më puna jonë", shkruan Rama.