Balla ‘thumbon’ kryebashkiakun demokrat, ulet për kafe me paraardhësin e tij dhe ish-deputetin e PD-së

Kryetari i Grupit Parlamentar Socialist, Taulant Balla, ka ndarë një foto duke pirë një kafe miqësoee me ish-kryebashkiakun demokrat të Kavajës, dhe ish deputetin e PD-së, Hysen Arkaxhiu

Takimi në këto ditë të nxehta vjen pas disa përplasjeve publike që Balla ka pasur me kryebashkiakun aktual të Kavajës, Fisnik Qosja.

“Një kafe dhe një bisedë e frytshme sot tek Piazza Kavajë me doktorin e nderuar, ish-Kryetarin e Bashkisë Kavajë, ish-deputetin Hysen Arkaxhiu” shkruan Balla.

“Në krahë të kundërt politikë, por miq për Kavajën” shtoi Balla pas takimit.

Kujtojmë se drejtuesi politik i Partisë Socialiste për Qarkun e Tiranës, Taulant Balla, është përplasur disa herë gjatë verës me kryetarin e Bashkisë Kavajë, Fisnik Qosja, për nisjen e punimeve në bulevardin kryesor të qytetit në kulmin e sezonit turistik.