Aksident i rëndë në aksin Peqin-Elbasan, nga përplasja e dy automjeteve

Aksident i rëndë rrugor, në aksin kombëtar Peqin-Elbasan

Nga aksidenti mbeti i plagosur drejtuesi i njërit prej automjeteve të përfshira në përplasje.

Ngjarja ka ndodhur rreth mesditës në fshatin Lazarej, Njësia Administrative Përparim, në territorin e Bashkisë Peqin.

Përplasja ka qenë e fortë, ndërsa një prej automjeteve ka mbetur pothuajse tërësisht i shkatërruar në pjesën e përparme.

Sipas burimeve paraprake nga vendngjarja, si pasojë e aksidentit është plagosur drejtuesi i njërit prej mjeteve. Ai është transportuar për marrjen e ndihmës mjekësore, ndërsa ende nuk dihet gjendja e tij shëndetësore.

Në vendngjarje kanë mbërritur shërbimet përkatëse të policisë rrugore, ndërsa autoritetet po punojnë për të dokumentuar rrethanat e aksidentit.

Deri në këto momente nuk ka një informacion zyrtar mbi shkaqet e përplasjes, numrin e plotë të personave të përfshirë apo pasojat e tjera të mundshme. Hetimet vijojnë për zbardhjen e plotë të dinamikës së aksidentit.