Arrestimi i Veliajt, Dashamir Shehi: Urime SPAK, po tregon se prokurorët kanë kurajo!

Kreu i LZHK-së, Dashamir Shehi ka përgëzuar punën e SPAK, pasi prokuroria lëshoi urdhër-arrest për kryebashkiakun Erjon Veliaj.

Nga foltorja, Shehi tha se prokuroria e Posaçme duhet të vazhdojë hetimet në politikë dhe t'i shkojë deri në fund detyrës 

"Dua të bëj një urim atyre zotërinjve të SPAK që po tregojnë se kanë kurajë dhe nuk tërhiqen përpara asnjë pale edhe atyre që janë quajt të paprekshëm deri sot. Shenjë e mirë që ky institucion po punon dhe koha po e tregon.

Uroj që të kenë kurajë të vazhdojnë deri në fund, t’i dalin për zot asaj që kanë marrë përsipër“, tha Shehi.