Ankimimi i opozitës, rinis rinumërimi i votave për 114 kutitë e qarkut Berat

Ka rinisur numërimi i kutive të votimit për 114 kutitë për qarkun e Beratit. Ditën e djeshme u rinumëruan 46 kuti nga 114 në total.

Kujtojmë që KAS ka vendosur të rinumërohen vetëm votat për subjektet zgjedhore.

Para dy ditësh, KAS rrëzoi kërkesat e PD dhe LSI për rivotim dhe rinumërim në qarkun e Gjirokastrës dhe për përsëritjen e zgjedhjeve në Berat pas pretendimeve se disa votues kishin vendosur shenjat e gishtave për më shumë se 1 herë. KAS i quajti si të pamjaftueshme denoncimet e partive opozitare për shkelje në procesin e votimit dhe në pajisjen e PEI.

PD dhe LSI kanë ankimuar rezultatin e zgjedhjeve në 9 qarqe, në 5 nga të cilat, LSI ndryshe nga PD kërkon rivlerësim dhe rinumërim.