AKSK: Nis procesi tekniko-ligjor për bllokimin e Tik Tok-ut

Autoriteti Kombëtar për Sigurinë Kibernetike në bashkëpunim me Agjencinë Kombëtare të Shoqërisë së Informacionit dhe disa institucione të tjera publike, ka kordinuar dhe ofruar një kontribut në analizën paraprake teknike dhe shkencore për ndërmarrjen e vendimit të mbylljes së Tik Tok-ut në Shqipëri.

AKSK bën me dije se hapat drejt implementimit përfshijnë nisjen e procesit tekniko-ligjor, për bllokimin e platformës Tik-Tok në një masë të gjerë në nivel kombëtar, me kohëzgjatje afërsisht 1 vit.