1 minutë heshtje në Kuvend për ndarjen nga jeta të politikanit Arben Tafaj

Pak minuta më parë është mbajtur në Kuvend, një minutë heshtje nga deputetët e mazhorancës dhe opozitës për ndarjen nga jeta të politikanit Arben Tafaj.

Kryetari i Shoqatës Tirana ndërroi jetë mëngjesin e sotëm, teksa ka qenë në ambientet e shtëpisë së tij kur është rrëzuar aksidentalisht në shkallë dhe ka ndërruar jetë.

Përcjellja e Arbenit për në banesën e fundit do të zhvillohet ditën e Mërkurë, më datë 4 Dhjetor ora 11:00, në Funeral Home Alba 2000 te Rruga e Dibrës.

Ambulanca ka shkuar menjëherë në shtëpinë e tij dhe e ka dërguar me urgjencë në spital, por fatkeqësisht Arben Tafaj ka ndërruar jetë. Autoritetet sqarojnë se ngjarja ka ndodhur pak pas mesnate, në orë 00:40 në Rrugën e Dajtit, në shtëpinë e tij.

Politikani 63 vjeçar ishte anëtar i Këshillit Bashkiak të Tiranës, një përfaqësues i palodhur i qytetarëve dhe një derë e hapur për këdo që kishte një shqetësim.

Arben Tafaj ishte një intelektual i kryeqytetit dhe kryetar i Shoqatës "Tirana" prej vitit 2001. Ai mbante dhe titullin ndërkombëtar “Ambasador i Paqes” akorduar nga Organizata Ndërkombëtare, “Universal Peace Federation Inter-religious and International Federation for Ëorld Peace”.