“Po na rrahin fëmijët”, qytetarja që fëmijët e saj i ka jashtë shtetit, çon produkte farmaceutike në ndihmë të të plagosurve në protestë

Një qytetare ka shkuar me produkte farmaceutike për t’u ardhur në ndihmë të rinjve që po protestojnë dhe që, sipas saj, po përballen me dhunën e policisë. 
 
Qytetarja shprehu indinjatën për atë që e cilësoi si dhunë barbare ndaj të rinjve, duke thënë se kishte vendosur të sillte produkte farmaceutike për këdo që kishte nevojë.

“Po na rrahin fëmijët, po na i zhdupin. Ndaj kam ardhur që të sjell disa produkte farmaceutike për çdo person që ka nevojë. Fëmijët e mi i kam jashtë me studime, qaj çdo ditë për ta, por më dhemb zemra për këta fëmijë këtu”, u shpreh ajo për gazetaren Klodiana Lala.