“Apartament me 37 mijë euro në Tiranë?!”. Ja e vërteta e “okazionit” të fundit!

Një kompani ndërtimi në Tiranë është duke reklamuar shitjen e apartamenteve “duke nisur nga 37 mijë euro” ne një prej komplekseve në zonën e lagjes “Ali Demi” në Tiranë.

Pasi konstatuam këtë “njoftim publik” ne vendosëm ta verifikojmë rastin për shkak të dinamikave që kanë shoqëruar cmimin e pronave në Tiranë dhe jo vetëm vitet e fundit.

Garsonierja e vetme 37 mije euro qe shfaqet ne faqen e kompanise, e cila ka nje cmim 1412 euro/m2

Hymë në faqen e kompanisë dhe kërkuam për apartament 1+1 dhe rezultati i kërkimit ishte ky si më poshtë:

Rasti më i lirë, apartament 1+1 me sipërfaqe 32.40 m2, kati i parë, orientimi veri, cmimi 4600 mijë euro.

Më pas, kërkuam për dicka më të lirë, me klasifikimin garsioniere, dhe rezultatet që u shfaqën ishin:

Një opsion/rast me 37 mijë euro, Garsioniere nr.3012, me sipërfaqe 26.20 m2, kati i parë, i cili në këtë kompleks është kat banimi përdhes, orientimi nuk është i përshkruar, cmimi 37 mijë euro.

Sipas një përllogaritje të thjeshtë, me cmimin total dhe sipërfaqen e këtij apartamenti, cmimi për m2, në këtë garsoniere shkon në 1412 euro për metër katror.

Apartamenti sipas dokumentit, ndahet e 23.6 m2 sipërfaqe banimi dhe 2.6 m2 sipërfaqe e ambientit të përbashkët.  

Në faqen e kompanisë nuk ka opsion tjetër me 37 mijë euro.

Opsioni i dytë që shfaqet aty, ishte Garsioniere nr. 1114 me siperfaqe 27.10 m2, kati i parë, orientimi veri-perendim, cmimi 38 mijë euro, ose 1402 euro për metër katror.

Opsioni i tretë, ishte Garsoniere ne 3017, me siperfaqe 35.50 m2, kati i 1, orientimi veri-perendim, cmimi 50 mijë euro, ose 1408 euro për metër katror.

Ne kontaktuam me punonjës të kompanisë dhe u interesuam për opsionin e parë, i cili megjithëse me të dhëna të paplota në faqen zyrtare të kompanisë, për orientimin, sipas tyre, është i disponueshëm për shitje dhe ata na thanë se mund të linin një orar për ta shikuar nga afër.

Faksimile e reklames qe po transmetohet publikisht

Sipas një verifikimi për cmimet në zonë, kompani të tjera dhe platformat e shitjes së pronave e kuotojnë cmimin aty me 1200 deri 1400 m2 ndërkohë që cmimi në këtë nivel i garsonieres, duket se nuk merr parasysh faktin se banesa është në katin e parë përdhes, dhe karakteristikat e pronës me një sipërfaqe dhe mudnësi përdorimi të kufizuar.

Punonjës të kompanisë me të cilët kontaktuam, u pyetën se përsë nuk e prezantojnë si garsoniere apartamentin e vetëm prej 37 mijë eurosh të cilin e reklamojnë, dhe nëse ky është një truk marketingu për të tërhqur vëmendjen e njerëzve, por ata thanë se e konsiderojnë edhe garsionieren apartament.

Prona me e afert me garsonieren 37 mije euro ne listimin e kompanise

Verifikimi i mëtejshëm në faqen e kompanisë për listimet e tyre, tregoi se prona tjetër më e lirë se garsonierja e vetme 37 mijë euro qe po përdoret në reklamim, është një post parkimi me vlerë 34 mijë euro, pra që kushton vetëm 3 mijë euro më pak se prona që reklamohet për banim. /lajmifundit.al